وزیرِ اعظم کاکورونا کے خلاف نبرد آزما ڈاکٹروں اور ہیلتھ کیئر سٹاف کے جذبے کو خراج تحسین

اے پی پی  |  Jun 02, 2020

اسلام آباد ۔ 2 جون (اے پی پی) وزیرِ اعظم عمران خان نے کورونا کے خلاف نبرد آزما ڈاکٹروں اور ہیلتھ کیئر سٹاف کے جذبے کو خراج تحسین پیش کرتے ہوئے کہا ہے کہ کورونا جیسی عالمی وبا سے قوم کو محفوظ رکھنے میں ڈاکٹر ز اور نیم طبی عملہ ہمارا اول دستہ ہے، ڈاکٹروں اور ہیلتھ کیئر سٹاف کی تمام ضروریات پوری کرنا حکومت کی اولین ترجیح ہے اور اس ضمن میں کوئی کسر اٹھا نہیں رکھی جائے گی، صوبائی حکومتیں عوام کو کورونا کے حوالے سے ترتیب دیئے جانے والے ایس او پیز پر عملد رآمد کی ترغیب دینے کے لئے متحرک کردار ادا کریں۔ ان خیالات کا اظہار انہوں نے منگل کو کورنا وائرس کے خلاف نبرد آزما ملکی ڈاکٹروں اور ہیلتھ کیئر ورکرز کی ضروریات پوری کرنے کے حوالے سے اعلیٰ سطحی اجلاس کی صدارت کرتے ہوئے کیا۔ اجلاس میں وزیرِ اطلاعات سینٹر شبلی فراز، وزیر برائے منصوبہ بندی اسد عمر، معاون خصوصی ڈاکٹر ثانیہ نشتر، معاون خصوصی برائے صحت ڈاکٹر ظفر مرزا، معاون خصوصی ڈاکٹر شہباز گل، وزیرِ اعظم کے فوکل پرسن برائے کورونا ڈاکٹر فیصل سلطان اور دیگر سینئر افسران شریک۔ وزیرِ صحت پنجاب ڈاکٹر یاسمین راشد اور وزیر صحت خیبر پختونخواہ تیمور سلیم جھگڑا بھی ویڈیو لنک کے ذریعے شریک ہوئے۔ اجلاس میں کورونا کے خلاف نبردآزما ملکی ڈاکٹروں، پیرامیڈکس اور ہیلتھ کیئر ورکرز کی مختلف ضروریات کو پورا کرنے بشمول بشمول حفاظتی کٹس اور آلات کی فراہمی کے حوالے سے وفاقی و صوبائی حکومتوں کی جانب سے اٹھائے جانے والے اقدامات کا تفصیلی طور پر جائزہ لیا گیا۔اجلاس سے خطاب کرتے ہوئے وزیرِ اعظم نے کورونا کے خلاف نبرد آزما ڈاکٹروں اور ہیلتھ کیئر سٹاف کے جذبے کو خراج تحسین پیش کرتے ہوئے کہا کہ کورونا جیسی عالمی وبا سے قوم کو محفوظ رکھنے میں ڈاکٹر ز اور ہیلتھ کیئر سٹاف ہمارا اول دستہ ہے۔ انہوں نے کہا کہ پوری قوم ان مسیحاو¿ں کو خراج تحسین پیش کرتی ہے جو قوم کو اس وباءسے محفوظ رکھنے کے لئے برسرِ پیکار ہیں۔ وزیرِ اعظم نے کہا کہ ڈاکٹروں اور ہیلتھ کیئر سٹاف کی تمام ضروریات پوری کرنا حکومت کی اولین ترجیح ہے اور اس ضمن میں کوئی کسر روا نہیں رکھی جائے گی۔ اجلاس میں کورونا وائرس کی صورتحال اور ملک میں موجود ہیلتھ کئیر کی سہولیات کا بھی جائزہ لیا گیا۔ اجلاس کو بتایا گیا کہ جہاں ایک طرف ٹیسٹنگ، ٹریکنگ اور کوارنٹین کی موثر حکمت عملی کی بدولت کورونا کے تشخیص اور متاثرہ افراد کی شناخت کے حوالے سے مثبت نتائج سامنے آئے ہیں وہاں ریسوس منیجمنٹ سسٹم کی بدولت ملک میں کورونا کے لئے مخصوص مراکز، وینٹی لیٹرز و دیگر سہولیات کی فراہمی کے حوالے سے موجود وسائل کا موثر اور بہترین استعمال یقینی بنانے میں بھی خاطر خواہ مدد ملی ہے۔ وزیرِ اعظم نے ہدایت کی صوبائی حکومتیں عوام کو کورونا کے حوالے سے ترتیب دیے جانے والے ایس او پیز پر عملد رآمد کی ترغیب دینے کے لئے متحرک کردار ادا کریں تاکہ عوام از خود کورونا سے بچاو¿ کے لئے تجویز کردہ حفاظتی اقدامات اختیار کریں جس سے نہ صرف صحت کی موجود سہولیات پر کم بوجھ پڑے گا بلکہ وائرس کی موثر روک تھام کو بھی یقینی بنایا جاسکے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More