وزیر اعظم کی زیر صدارت سیکیورٹی صورتحال پراجلاس، عسکری حکام کی شرکت

روزنامہ خبریں  |  Jul 04, 2020

اسلام آباد(ویب ڈیسک)وزیراعظم عمران خان کی زیر صدارت ملکی سیکیورٹی صورتحال پر اہم اجلاس میں پاکستان اسٹاک ایکسچینج حملے کی ناکامی پرقانون نافذ کرنیوالے اداروں کو خراج تحسین پیش کیا گیا۔اعلامیے کے مطابق وزیراعظم کی زیر صدارت ملکی سیکیورٹی صورتحال پر اجلاس میں وزیر دفاع پرویز خٹک، چیئرمین جوائنٹ چیفس آف اسٹاف کمیٹی جنرل ندیم رضا،آرمی چیف جنرل قمر جاوید باجوہ، چیف آف ائیر اسٹاف ائیر چیف مارشل مجاہد انور، نیول چیف ایڈمرل ظفر محمود عباسی اور ڈی جی آئی ایس آئی لیفٹیننٹ جنرل فیض حمید نے شرکت کی۔اجلاس میں ملکی سیکیورٹی صورتحال کا جائزہ لیا گیا جب کہ کراچی میں پاکستان اسٹاک ایکسچینج پر حملے سے متعلق بریفنگ دی گئی۔پاکستان اسٹاک ایکسچینج حملہ ناکام بنانے پرقانون نافذ کرنیوالےاداروں کو خراج تحسین پیش کیا گیا۔اجلاس کے شرکاءنے کہا کہ عالمی برادری مقبوضہ کشمیر میں انسانی حقوق کی صورتحال پر نوٹس لے، ملکی جغرافیائی صورتحال کا ہر حال میں تحفظ کیا جائے گا۔خیال رہے کہ 29 جون کو کراچی میں پاکستان اسٹاک ایکسچینج پر دہشتگردوں نے حملہ کردیا تھا جسے ایک پولیس اہلکار اور 3 سیکیورٹی گارڈز نے اپنی جانوں کا نذرانہ دے کر ناکام بنادیا تھا جب کہ فورسز کی جوابی کارروائی میں چاروں دہشتگرد مارے گئے تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More