وزیراعظم کی سری لنکن وزیراعظم کو پارٹی کی انتخابی فتح پر مبارکباد

بول نیوز  |  Aug 07, 2020

وزیراعظم عمران خان کی جانب سے سری لنکن وزیراعظم کو پارٹی کی انتخابی فتح پر مبارکباد پیش کی گئی ہے۔

 تفصیلات کے مطابق وزیراعظم عمران خان کی جانب سے سری لنکا کے وزیراعظم مہندا راجاپکسا سے ٹیلیفون پر رابطہ ہوا ہے۔

 رابطے کے دوران دونوں رہنماوں  میں کوویڈ ۔19 کے خلاف حکمت عملی سے متعلق تبادلہ خیال کیا گیا ہے جبکہ وزیراعظم عمران خان نے معاشی استحکام کے حصول اور معیشت کو متحرک کرنے پر خصوصی زور دیا ہے۔

 وزیراعظم راجہ پکسا نے سری لنکا میں کورونا صورتحال اور سیاحت کی صنعت پر اس کے منفی اثرات متعلق بات کی گئیہے۔

وزیراعظم عمران خان کی جانب سے دونوں ممالک کے مابین دوطرفہ تعلقات کو مزید فروغ دینے کے عزم کا اعادہ بھی کیا گیا ہے اور وزیراعظم کی سری لنکا کے لیے مختلف شعبوں میں  پاکستان کی مکمل حمایت کی یقین دہانی بھی کرائی گئی ہے۔

 رابطے کے دوران وزیراعظم عمران خان کی جانب سے ہم منصب مہندا راجہ پکسا کو دورہ پاکستان کی دعوت دی گئی ہے اور کہا ہے کہ پاکستان اور سری لنکا کے مابین قریبی، خوشگوار اور باہمی تعلقات ہیں۔

ان کا کہنا تھا کہ پاکستان ترقی کے لئے ہمیشہ برادر ملک سری لنکا کے ساتھ کھڑا ہے اور دونوں ممالک سارک کے فریم ورک کے مطابق ساتھ مل کر کام کرتے رہیں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More