معروف انڈین شاعر راحت اندوری چل بسے

اردو نیوز  |  Aug 12, 2020

اردو زبان کے معروف شاعر اور بالی وڈ فلموں کے گیت نگار راحت اندوری انڈیا کے ایک ہسپتال میں انتقال کر گئے ہیں۔

انڈین نیوز ایجنسی اے این آئی کے مطابق راحت اندوری انڈیا کی ریاست مدھیہ پردیش کے شہر اندور کے اروبندو ہسپتال میں زیر علاج تھے جہاں ان کا کوررونا ٹیسٹ مثبت آنے کے ایک دن بعد منگل کو انتقال ہو گیا۔

ہسپتال کے چیئرمین ڈاکٹر وینوس بھنڈاری کے مطابق راحت اندوری نمونیا کا شکار تھے اور منگل کی صبح انہیں دو مرتبہ دل کا دورہ بھی پڑا تھا۔

 

ڈاکٹر وینوس کا کہنا تھا کہ راحت اندوری کو اتوار کے روز ہسپتال میں داخل کیا گیا تھا جہاں ان کا کورونا ٹیسٹ کرنے پر مثبت آیا، جس کے ایک روز بعد ہی وہ انتقال کر گئے۔

شاعر راحت اندوری نے منگل کی صبح ہی اپنی صحت کے حوالے سے ٹویٹ کی تھی اور اپنے مداحوں سے صحت یابی کی دعا کرنے کی اپیل کی تھی۔

پاکستان سمیت دنیا بھر میں پسند کیے جانے والے انڈیا کے مشہور شاعر نے غزلوں کے علاوہ بالی وڈ کی فلموں کے لیے متعدد گیت بھی لکھے۔

بالی وڈ کی مشہور فلم ’منا بھائی ایم بی بی ایس‘ اور دیگر فلموں کے گیت بھی راحت اندوری نے ہی قلم بند کیے تھے۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More