سردیوں آتے ہی لوگوں کی جلد خشک ہونا شروع ہوجاتی ہے ایڑیاں پھٹنے لاگ جاتی ہیں جو پیروں کی خوبصورتی کو ماند کرتی ہیں۔
جب موسم سرما میں درجہ حرارت کم ہوتا ہے تو یہ مسئلہ بڑھ جاتا ہے جس کے نتیجے میں ایڑیوں کی جلد پرتوں کی شکل اختیار کرلیتی ہے اور پھر ایڑیاں پھٹنے کے بعد تکلیف اور عدم اطمینان کا احساس ہوتا ہے۔
آج ہم جانیں گے ڈاکٹر عائشہ سے چند ٹپس جن سے پھٹی ایڑیوں سے چھٹکارا حاصل کیا جا سکتا ہے۔
ڈاکٹر عائشہ نے ہماری ویب کو انٹرویو میں بتایا کہ پھٹی ایڑیوں اور خشک جلد سے بچاؤ کے لیے وٹامن سی کا استعمال لازمی کرنا چاہیئے۔ ڈاکٹر عائشہ کے مطابق سردیوں کے آغاز ہوتے ہی ہمیں ان چیزوں کا استعمال زیادہ سے زیادہ جکرنا چاہئے جن میں پانی زیادہ مقدار میں ہو، جیسے شربت چاہے وہ پھلوں کی شکل میں ہوں یا پھر سبزیوں کی صورت میں ہو۔
انہوں نے بتایا خشک جلد سے بچاؤ کے لیے پیٹرولیم جیلی سب سے کارآمد ہے۔ ڈاکٹر عائشہ کا کہنا تھا پیٹرولیم جیلی کو پھٹی ایڑیوں پر لگائیں اور اچھے سے مالش کریں اس کے بعد موزے پہن لیں تو یہ کام سب سے بہترین ہوگا۔
ایڑیاں پھٹنے سے پریشان خواتین اور مرد خشک جلد اور پھٹی ایڑیوں پر کیسے قابو پا سکتے ہیں، دیکھیے ہماری ویب کی اس ویڈیو میں۔