منفی کردار کرنے کے باوجود لوگ مجھے پسند کرتے ہیں، احسن خان

بول نیوز  |  Jan 24, 2022

پاکستانی ڈرامہ انڈسٹری کے نامور اداکار اور میزبان احصن خان نے کہا ہے کہ لوگ انہیں منفی کرداروں کے باوجود بھی بہت پسند کرتے ہیں۔

حال ہی میں اپنے ایک انٹرویو کے دوران انہوں نے اپنی ذاتی زندگی، کیریئر اور دیگر پہلوؤں پر بات کی ہے۔

 اداکار احسن خان نے کہا ہے کہ میں چاہتا ہوں کہ لوگ مجھے ہمشہ ایک اداکار کے طور پر یاد رکھیں اس ی لئے میں روایتی کرداروں کے برعکس منفرد کردار ادا کرنا پسند کرتا ہوں۔

 اداکار کا کہنا ہے کہ ہمارے ڈراموں میں عورتوں پر ہونے والے مظالم کو اجاگر نہیں کیا جاتا بلکہ ان پہلوؤں کو دیکھایا جاتا ہے جن کا سامنا عورتیں اصل زندگی میں کرتی ہیں۔

 احسن خان کا کہنا تھا کہ میں اپنے پراجیکٹ اور اسکرپٹ بہت سوچ سمجھ کر چنتا ہوں اور  بعض اوقات یہ میرے لئے کافی متاثر کن بھی ثابت ہوتے ہیں ۔

انہوں نے کہا ہے کہ اللہ کا مجھ پر بہت کرم ہے کیونکہ ڈراموں میں منفی کرداروں کی ادائیگی کے باوجود لوگ مجھے پسند کرتے ہیں۔

علاوہ ازیں اپنی ذاتی زندگی کے متعلق بات کرتے ہوئے اداکار احسن خان کا کہنا تھا کہ میری شادی کو 14 سال کا عرصہ گزر چکا ہے لیکن میں نے کبھی اپنی ذاتی زندگی کو کام میں داخل ہونے نہیں دیا ہے۔

 اداکار کا کہنا تھا کہ صارفین اور مداحوں کو اپنی ذاتی زندگی میں بولنے اور اس سے متعلق بات کرنے کا موقع اداکار خود فراہم کرتے ہیں لین اگر آپ اپنی ذاتی زندگی اور کام کو علیحدہ رکھیں گے تو کسی کے پاس بولنے کا کوئی جواز نہیں ہوگا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More