شاہد آفریدی بھی اپنے مداحوں کو کبھی ناراض نہیں کرتے، ہمیشہ ان کے ساتھ بہت محبت سے پیش آتے ہیں۔ قومی کرکٹ ٹیم کے سابق کپتان شاہد آفریدی کل لاہور سے کراچی جا رہے تھے جہاں راستے میں موٹر وے پر ان کا چالان تیز رفتاری کے باعث ہوا جس پر انہوں نے برا منانے کے بجائے پولیس اہلکاروں کے ساتھ سیلفیاں بھی بنوائیں۔
موٹر وے پولیس نے شاہد آفریدی پر تیز گاڑی چلانے پر 1500 روپے کا جرمانہ کیا۔
جس پر
شاہد آفریدی نے موٹر وے پولیس کو سراہتے ہوئے کہا کہ قانون سب کیلئے برابر ہے۔ یہ دیکھ کر خوشی ہوئی کہ مجھے میرے نام کی وجہ سے معاف نہ کیا گیا بلکہ دیگر شہریوں کی طرح پورا چالان وصول کیا گیا۔
ان کی موٹروے اہلکاروں کے ساتھ سیلفی سوشل میڈیا پر خوب وائرل ہو رہی ہے اور لوگ ان کو خوب داد دے رہے ہیں۔