روس سے گندم درآمد کرنے، الیکشن کمیشن کو 15 ارب روپے دینے کی منظوری

ہم نیوز  |  Dec 08, 2022

وفاقی کابینہ نے روس سے ساڑھے چار لاکھ ٹن گندم درآمد کرنے کی اجازت دے دی۔ 372 ڈالر فی میٹرک ٹن گندم منگوائی جائے گی۔

وزیر اعظم شہباز شریف کی زیر صدارت وفاقی کابینہ کا اجلاس ہوا جس میں عام انتخابات کیلئے الیکشن کمیشن کو 15 ارب روپے دینے کی بھی منظوری دی گئی۔

اجلاس میں سیلاب متاثرین کی بحالی کیلئے ڈونرز کانفرنس جلد بلانے کا فیصلہ اور وزارت اطلاعات کی میڈیا مہم کیلئے 2 ارب کی سپلیمنٹری گرانٹ کی توثیق کی گئی۔

ذرائع کے مطابق اجلاس میں، تیل وگیس کی تلاش کے معطل لائسنس بحال کرنے کی بھی منظوری دے دی گئی۔

کابینہ اجلاس میں کابینہ کمیٹی برائے قانون سازی کے یکم دسمبر کے فیصلوں، کے الیکٹرک کیلئے یکساں ٹیرف کے فیصلے کی بھی توثیق کردی۔

اس کے علاوہ ارکان پارلیمنٹ کے سکیموں کیلئے 8 ارب کی سمپلیمنٹری گرانٹ بھی منظور کر لی گئی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More