پاکستان میں بجلی اور گیس کے بحران کی وجہ سے عوام کا جینا محال ہوچکا ہے اور گیس کی بڑھتی ہوئی لوڈشیڈنگ کی وجہ سے شہری کھانے سے بھی محروم ہیں جس کی وجہ سے لوگوں نے متبادل ذرائع استعمال کرنا شروع کردیے ہیں۔
گزشتہ کئی سالوں سے ملک میں گیس کے بحران کی وجہ سے لوگ لکڑیوں، کوئلے اور ایل پی جی کے استعمال پر مجبور ہیں لیکن لکڑی، کوئلے اور ایل پی جی کی قیمتیں بھی اس وقت آسمان کو چھورہی ہیں جس کی وجہ سے لوگ کھانا بنانے کیلئے مشکلات سے دوچار ہیں۔
خوشی کی بات یہ ہے کہ پاکستان کے مختلف شہروں میں اس وقت بغیر گیس کے چلنے والے چولہے سستے داموں دستیاب ہیں جبکہ آج جس چولہے کے بارے میں ہم آپ کو بتانے جارہے ہیں وہ آپ کو بجلی اور گیس کی پریشانی سے نجات دلائے گا۔
پاکستان کے مختلف مارکیٹس سے ملنے والا یہ چولہا بجلی اور گیس کے بغیر چھوٹے سے اسپرے سلنڈر سے چلتا ہے اور اس سے آپ آسانی سے کھانا بناسکتے ہیں، یہ چولہا برتن کو کالا بھی نہیں کرتا۔چولہے میں آنچ کو کم یا تیز کرنے کی سہولت موجود ہے۔
35 سو روپے میں ملنے والا یہ چولہا بجلی اور گیس کی لوڈشیڈنگ کے دوران آپ کے بہت کام آسکتا ہے۔