پولیس کا پرویز الہٰی کے گھر پر چھاپہ

ہم نیوز  |  Feb 01, 2023

گجرات میں پولیس نے ظہورالہی ہاؤس پر چھاپہ مارا، جس کی تصدیق سابق وزیراعلی پنجاب پرویزالہی نے خود کی ہے۔

سابق وزیراعلی نے پرویزالہی نے کہا کہ پولیس اہلکارسیڑھی لگا کرظہورالہی ہاؤس میں داخل ہوئے، ہمارے ملازمین کو ہراساں کیا گیا۔ ہمیں اس چھاپے کے بارے میں کچھ بھی معلوم نہیں تھا۔ یہ چاہتے ہیں کہ ہم عوامی خدمت نہ کریں، حکمرانوں کو الیکشن میں اپنی شکست نظر آرہی ہے اسی لیے یہ گھسے پٹے سیاستدان ایسی حرکتیں کررہے ہیں، ہمیں عدالتوں پر پورا یقین ہے انہیں عدالتوں سےسزا دلوائیں گے۔

یہ بھی پڑھیں: 

انہوں نے مزید کہا کہ حکومت کے ہتھکنڈوں کے خلاف تاجر، طلبا بھی نکل رہے ہیں، گھسے پٹے سیاستدان ایسی حرکتیں کررہے ہیں، یہ حکومت پتہ نہیں کہاں کی حکومت ہے، حکومت دہشت گردوں کو پکڑے، جو کچھ بھی ہورہا ہے ریکارڈ اکٹھا کررہے ہیں، حکمران اپنا کام بھول گئے ہیں، ان کا کام انتخابات کرانا ہے لیکن حکمران اپنی دشمنیاں نکال رہے ہیں۔

خیبر پختونخوا میں نگران حکومت ہے وہاں ایسی کوئی صورتحال نہیں ہے، حکمرانوں کی اس حرکت پرپورا گجرات باہر نکلا ہے، حکمرانوں کا بھی احتساب ہوگا اور بہت جلد ہوگا ، حکمران جس طرح لوگوں کو تنگ کررہے ہیں سب نے دیکھا، حکمرانوں کو الیکشن میں اپنی موت نظر آرہی ہے یہ فرار چاہتے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More