سعودی عرب میں 83 سالہ بوڑھے شخص نے 11 ویں شادی کر لی۔ جی ہاں آپ نے صحیح سنا ہے یہ دلچسپ واقعہ سعودی عرب کے علاقے تبوک میں پیش آیا۔
اس بزرگ شہری کا نام علی البلوی ہے جس نے پہلے سے 10 شادیاں کیں جس میں سے اس کے 18 بچے، 20 بچیاں، 88 پوتے پوتیاں ہیں اور نواسے نواسیاں ہیں۔
اپنی وائرل ویڈیو میں اس عمر رسیدہ شخص کا ان افراد کو کہنا تھا کہ وہ لوگ جو
زیادہ شادیاں کرنے کی خواہش رکھتے ہیں ان میں تمام بیویوں کو انصاف سے رکھنے کی صلاحیت ہونی چاہیے۔ اور مجھ کو تو مالی قابلیت، رہائش کی صلاحیت،زہنی، جسمانی و نفسیاتی صحت اور اچھی اخلاقیات سے اللہ پاک نے نواز رکھا، تو انہیں کوئی مشکل پیش نہیں آتی۔
علی البلوی کا یہ بھی کہنا تھا کہ وہ تمام بچوں، بیویوں اور خاندان کے تمام افراد کے ساتھ پیار محبت اور انصاف سے رہتے ہیں یہی وجہ ہے کہ ہمارا گھر خوشحال ہے۔
اس کے علاوہ یہاں آپکو یہ بھی بتاتے چلیں کہ اس انوکھی شادی میں خاندان کے علاوہ شہر کے کافی لوگوں نے شرکت کی۔ یہ 83 سالہ شخص اپنے والدین کی اکلوتی اولاد ہے اور گھر کا بھی اب واحد کفیل ہے۔ یہی نہیں اب 4 بیگمات ان کے ساتھ ہیں۔