مسجد جیسی پاک جگہ پر آج کل کیا ہورہا ہے جان کر کسی کا بھی سر شرم سے جھک جائے۔ ایک شرمناک ویڈیو سوشل میڈیا پر وائرل ہو رہی ہے جس میں ایک آدمی کو ضو بناتے دیکھا جا سکتا ہے۔
سی سی ٹی وی ویڈیو میں دیکھا جا سکتا ہے کہ آدمی وضو بنانے آتا ہے اور بیٹھنے سے پہلے اپنی جیکٹ اتار کر دیوار پر لگی کھونٹی پر ٹانگ دیتا ہے۔
جیسے ہی یہ شخص وضو بنانے بیٹھتا ہے تو تھوڑی ہی دیر بعد ایک دوسرا آدمی چل کر آتا ہے جس کا مقصد اس شخص کو لوٹنا ہوتا ہے۔
وہ شخص آدمی کے جیکٹ کے قریب آکر خاموشی کے ساتھ اپنا سفید کپڑا کھونٹی پر ٹانگنے کا سہارا لیتے ہوئے وضو بنانے والے شخص کی جیکٹ سے بٹوا نکال کر خاموشی سے فرار ہو جاتا ہے اور وضو خانے میں کسی کی نظر اس پر نہیں پڑتی۔
ویڈیو سوشل میڈیا پر وائرل ہو رہی ہے جسے دیکھ کر سوشل میڈیا صارفین یہی کہتے دکھائی دے رہے ہیں کہ مسجد کو بھی نہیں چھوڑا۔