شاہ رخ خان یا ان جیسا؟ انسٹاگرام پر صارفین حیرت میں مبتلا

اردو نیوز  |  Jun 06, 2023

اداکاروں کے باڈی ڈبل کا فلموں میں کام کرنا تو ایک معمول کی بات ہے لیکن دنیا بھر میں ایسے افراد بھی موجود ہیں جو ہُو بُہو فلمی دنیا کے ستاروں جیسے نظر آتے ہیں۔

ایسے ہی ایک فنکار کی فوٹو اینڈ ویڈیو شیئرنگ پلیٹ فارم انسٹاگرام پر ویڈیوز دیکھی جا رہی ہیں جس کی بالی وُڈ کنگ شاہ رخ خان سے غیر معمولی مماثلت ہے۔

سورج کمار نامی شاہ رخ خان کا یہ مداح جہاں کنگ خان کی طرح نظر آتا ہے وہیں اس کی اپنے ہیرو کی طرح چال، ڈھال اور بال بھی ہیں۔

کچھ ماہ پہلے سورج نے انسٹاگرام پر انڈیا کے دارالحکومت نئی دہلی میں گھومنے کی ویڈیو اپلوڈ کی جہاں وہ بالکل شاہ رخ خان کی طرح وہاں موجود افراد سے ملاقات کر رہے ہیں۔

    View this post on Instagram           A post shared by Chhota shahrukh (@surajkumarsrk7)

ہندوستان ٹائمز کے مطابق کنگ خان کے اس مداح کا تعلق کولکتہ سے ہے اور یہ جھاکھنڈ میں رہتے ہیں۔ وہ اپنے آپ کو فنکار کہتے ہیں اور مختلف فنکشنز میں پرفارم کرتے ہیں۔

    View this post on Instagram           A post shared by Chhota shahrukh (@surajkumarsrk7)

ان کے انسٹاگرام پر ایک لاکھ 60 ہزار فالورز ہیں جو ان کی دلچسپ پوسٹس سے محظوظ ہوتے رہتے ہیں۔

    View this post on Instagram           A post shared by Chhota shahrukh (@surajkumarsrk7)

سورج العروف چھوٹا شاہ رخ کی پوسٹ پر صارفین کی جانب سے تبصرے بھی کیے جا رہے ہیں۔

منوج کہتے ہیں کہ ’جب شاہ رخ فلموں میں آئے تھے تو ایسے ہی لگتے تھے۔‘

    View this post on Instagram           A post shared by Chhota shahrukh (@surajkumarsrk7)

اشوک تلوانی نے تبصرہ کرتے ہوئے کہا کہ ’مجھے لگا شاہ رخ خان کا پہلے کا ویڈیو ہے، پھر پتا چلا شاہ رخ خان کی کاپی ہے۔‘

رئیس پٹیل لکھتے ہیں کہ ’بھائی 90 کی دہائی کے دور کی یاد دلا دی۔‘

گانیکا ساشا نے کہا کہ ’ایک پل کے لیے تو مجھے لگا سچ میں شاہ رخ ہے۔‘

رجنیش بھگت نے دلچسپ انداز میں کہا کہ ’اس کے پاس پیسہ ہوگا تو شاہ رخ خان سے کم نہیں۔‘

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More