کترینہ کیف ہر ہفتے گھر کے بجٹ کے حوالے سے میٹنگ کیوں رکھتی ہیں؟

اردو نیوز  |  Jun 07, 2023

بالی وُڈ کے اداکار وکی کوشل نے انکشاف کیا ہے کہ ان کی اہلیہ اور سپرسٹار اداکارہ کترینہ کیف ہر ہفتے گھر کے بجٹ کے حوالے سے میٹنگ رکھتی ہیں۔

ہندوستان ٹائمز کے مطابق وکی کوشل جنہیں کترینہ کیف کی یہ عادت بہت اچھی لگتی ہے، نے بتایا کہ وہ اس بات کو انجوائے کرتے ہیں اور بالکل تماشائی کی طرح محسوس کرتے ہیں۔

وکی اور کترینہ نے ایک دوسرے کو کچھ عرصہ ڈیٹ کرنے کے بعد دسمبر دسمبر 2021 میں شادی کی تھی۔

اُن کی شادی ریاست راجستھان میں ہوئی جہاں اُن کی فیملی اور قریبی دوستوں سے شرکت کی۔

شادی کے بعد اُن دونوں کا شمار بالی وُڈ کے مشہور جوڑوں میں ہونے لگا ہے۔

اداکار نے ’نیوز تک‘ کو دیے گئے اپنے حالیہ انٹرویو میں کہا کہ ’سب سے مزیدار لمحہ وہ ہوتا ہے جب وہ (کترینہ) گھر میں ہر ہفتے یا ہر دوسرے ہفتے میٹنگ رکھتی ہے۔ وہ سب چیزوں پر بات کرتی ہے اور گھر کے بجٹ کے بارے میں گفتگو کرتی ہے۔ وہ یہ دیکھتی ہے کہ پیسے کس چیز پر خرچ ہو رہے ہیں، خرچہ کیا ہے۔ یہ ایک بہترین بات ہے۔‘

وہ مزید کہتے ہیں کہ ’جب اس بارے میں گفتگو ہوتی ہے تو میں انجوائے کرتا ہوں۔ میں تماشائی کی طرح پاپ کارن لے کر بیٹھ جاتا ہوں۔‘

#ZaraHatkeZaraBachke keeps its investors smiling on the crucial Day 4 [Mon]… The strong grip on a working day - after the weekend - indicates the wholehearted acceptance for the film… Fri 5.49 cr, Sat 7.20 cr, Sun 9.90 cr, Mon 4.14 cr. Total: ₹ 26.73 cr. #India biz.

Mass… pic.twitter.com/VfhzSh8X2i

— taran adarsh (@taran_adarsh) June 6, 2023

دوسری جانب وکی کوشل کی اداکارہ سارہ علی خان کے ساتھ نئی فلم ’ذرا ہٹ کے ذرا بچ کے‘ باکس آفس پر اچھی کارکردگی دکھا رہی ہے۔

فلم نے اپنی ریلیز کے چوتھے دن انڈیا بھر سے 4 کروڑ 14 لاکھ انڈین روپوں کا کاروبار کیا جس کے بعد اس کا مجموعی کاروبار 26 کروڑ انڈین روپے ہوگیا ہے۔

Vicky Kaushal and Katrina Kaif are officially married, feeling very sappy! #vickykatrina #KatrinaKaif #katrinakaifwedding #KatrinaVickyKiShaadi #VickyKatrinaWedding #vickykatrina pic.twitter.com/isRN7dYBun

— Pinkvilla (@pinkvilla) December 9, 2021

اس سے قبل کترینہ کیف نے بھی فوٹو اینڈ ویڈیو شیئرنگ پلیٹ فارم انسٹاگرام پر اپنی سٹوری میں فلم کی تعریف کرتے ہوئے کہا تھا کہ ’سنیما میں نمائش جاری ہے۔ پوری ٹیم کو مبارک ہو۔ یہ وہ فلم ہے جسے بہت دل سے بنایا گیا ہے۔‘

اس کے جواب میں وکی کوشل نے اپنی اہلیہ کی سٹوری کو انسٹاگرام پر ری شیئر کرتے ہوئے  فلم کا گانا ’پھر اور کیا چاہیے‘ کی لائن ’تو ہے تو مجھے پھر اور کیا چاہیے‘ لکھا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More