چلتی بس میں ڈرائیور کو دل کا دورہ پڑ گیا۔۔ پھر کیا ہوا؟ ویڈیو وائرل

موت کا کوئی وقت مقرر نہیں۔ یہ وہ جملہ ہے جو ہم ہمیشہ سنتے ہیں لیکن کبھی کبھی یہ حقیقت بن کر کچھ اس طرح سامنے آتا ہے کہ انسان خوفزدہ رہ جاتا ہے۔ ایسا ہی کچھ بھارت کی ریاست کرناٹکا کے ڈرائیور مروگپا اتھانی کے ساتھ ہوا جو بس چلاتے ہوئے اچانک دل کا دورہ پڑنے سے انتقال کرگیا۔ دیکھیں

ویڈیو میں دیکھا جاسکتا ہے کہ پیٹرول پمپ میں اچانک ایک بس سامنے سے آتی اندر گھس جاتی ہے۔ وہاں موجود لوگ بس والے پر غصہ کرتے ہیں لیکن بعد میں پتا چلتا ہے کہ ڈرائیور کا انتقال ہوچکا ہے جس کے بعد لوگ افسوس کا اظہار کرتے ہیں۔

واضح رہے کہ پیٹرول پمپ میں بس کے اچانک ٹکرانے سے خوفناک دھماکہ بھی ہوسکتا تھا البتہ اس واقعے میں ڈرائیور کی موت کے علاوہ کوئی جانی نقصان نہیں ہوا جس کی وجہ یہ تھی کہ کنڈیکٹر نے صورتحال بھانپ کو بس کا بریک دبا دیا تھا۔