اسلام آباد۔4مئی (اے پی پی):چیئرمین (اوگرا) نے ممبر (آئل) اور اوگرا کے سینئر حکام کے ساتھ پی پی ایل کے آہدی ( ADHI)فیلڈ کا ایک روزہ دورہ کیا تاکہ ان کے آپریشنل پیرامیٹرز اور حفاظتی تیاریوں کی نگرانی کی جا سکے۔ یہ دورہ اوگرا کی انتظامیہ کے لیے سیکھنے کا ایک اچھا تجربہ تھا جس میں پی پی ایل کی آدھی ٹیم نے اپنی آپریشنل صلاحیتوں اور پیشہ ورانہ مہارت کا مظاہرہ کیا۔آہدی آئیل فیلڈز ملک کو 55 MMCFD گیس، 6,000 بیرل خام تیل اور 200 M ٹن ایل پی جی فراہم کر رہی ہے۔ اس موقع پر پی پی ایل نے حفاظتی چیلنجوں یا ناخوشگوار حادثات سے نمٹنے کے لیے جدید ترین حفاظتی تکنیکوں کی نمائش کی، جو تسلی بخش اور بین الاقوامی معیارات کے مطابق پائی گئیں۔