پیرو ، بس حادثہ میں 10 افراد ہلاک

لیما ۔7مئی (اے پی پی):پیرو میں ایک مسافر بس الٹ جانے سے کم از کم 10 افراد ہلاک ہو گئے۔شنہو ا کے مطابق پیرو کے جنوبی علاقے پونو میں ہائی وے پولیس کے سربراہ ڈیوڈ سوٹا پریڈس نے بتایا کہ بس 24 مسافروں کو کسکو شہرلے جا رہی تھی۔نیشنل پولیس کے حوالے سے بتایا گیا کہ ہلاک ہونے والوں میں چھ ماہ کا بچہ بھی شامل ہے۔مزید بتایا گیا کہ حادثے میں کچھ افراد زخمی بھی ہوئے ہیں جن کو ہسپتال منتقل کردیا گیا ہے ۔