کھوکھراپار کی رہائشی خاتون کے پیٹ میں تالا کیسے پہنچا ؟

سندھ گورنمنٹ لیاری جنرل اسپتال کے ڈاکٹرز اس وقت ورطہ حیرت میں مبتلا ہوگئے جب درد سے تڑپتی خاتون کو اسپتال لایاگیا۔

ڈاکٹرز نے جب الٹرا ساؤنڈ اور ایکسرے کیے تو پتہ چلا کہ کھوکھرا پار سے لائی گئی 23 سالہ مریضہ کے پیٹ میں پیتل کا تالا ہے۔ ہنگامی بنیادوں پر ڈاکٹروں نے لیپرواسکوپی سرجری کے ذریعے سے پیٹ سے تالا نکال کر اس کی زندگی بچالی۔

واضح رہے کہ لیپرواسکوپی سرجری عام آپریشن کے مقابلے میں کم پیچیدہ اور آسان علاج ہے جس میں مریض کو تکلیف بھی کم ہوتی ہےاور ریکوری کا عمل بھی تیز ہوتا ہے۔

لواحقین سے جب استفسار کیا گیا کہ مریضہ کے پیٹ میں تالا کیسے پہنچا ؟ تو انہوں انکشاف کیا کہ خاتون ذہنی مریضہ ہے اور شاید یہ تالا اس نے کسی خاص نفسیاتی کیفیت کی وجہ سے نگل لیا ہوگا۔