پاکستانی فوج نے کہا ہے کہ سکیورٹی فورسز نے افغانستان کی سرحد سے پاکستان میں دراندازی کی کوشش کرنے والے 33 شدت پسندوں کو ہلاک کر دیا ہے۔پاکستانی فوج کے شعبہ تعلقات عامہ (آئی ایس پی آر) کی جانب سے جمعے کو جاری ہونے والے بیان کے مطابق ’سات اور آٹھ اگست کی درمیانی رات کو انڈیا کے حمایت یافتہ فتنہ الخوارج کے ایک بڑے گروہ نے افغانستان کی سرحد سے دراندازی کی کوشش کی جو بلوچستان کے ضلع ژوب کے علاقے میں سکیورٹی فورسز کی نظروں میں آ گئے۔‘’سکیورٹی فورسز کے اہلکاروں نے موثر طریقے سے دراندازی کی کوشش کو ناکام بنا دیا۔ اور ایک مربوط آپریشن کے نتیجے میں انڈیا کے حمایت یافتہ 33 خوارجی ہلاک ہو گئے۔ ہلاک ہونے والوں سے بھاری تعداد میں اسلحہ، ایمونیشن اور دھماکہ خیز مواد بھی برآمد ہوا ہے۔‘
بیان کے مطابق علاقے میں دوسرے ’خوارجیوں‘ کی موجودگی کے خاتمے کے لیے آپریشن جاری ہے۔
پاکستان کی سکیورٹی فورسز سرحدوں کے دفاع اور ملک سے انڈین سپانسرڈ دہشت گردی کی لعنت کو ختم کرنے کے لیے پرعزم ہیں۔