آزادی اظہار رائے عالمی قوانین کی ذمہ داریوں کے مطابق ہوتا ہے،وزیر اعظم

بول نیوز  |  May 09, 2021

وزیر اعظم عمران خان نے کہا ہے کہ آزادی اظہار رائے عالمی قوانین کی ذمہ داریوں کے مطابق ہوتا ہے۔

تفصیلات کے مطابق وزیر اعظم عمران خان کی مسلم ورلڈ لیگ کے سیکرٹری جنرل محمد عیسیٰ سے ملاقات ہوئی جس میں وزیر اعظم نے اسلاموفوبیا سے مقابلہ کرنے کی اہمیت پر زور دیا۔

ملاقات میں وزیراعظم نے مسلم ورلڈ لیگ کے انسانیت کےلئے مختلف ممالک میں اقدامات کی تعریف کی۔

وزیر اعظم عمران خان نے کہا کہ مسلم ورلڈ لیگ اسلام کے حقیقی تاثر اور بین المذاہب ہم آہنگی کے لئے تشکیل دی گئی تھی، امید ہے اسلامو فوبیا کے خلاف مسلم امہ متفقہ مقصد سمجھ کر اقدامات اٹھائے گی۔

وزیر اعظم عمران خان نے مزید کہا کہ آزادی اظہار رائے عالمی قوانین کی ذمہ داریوں کے مطابق ہوتا ہے۔ آزادی اظہار رائے میں نسل پرستی،مذہبی شخصیات اور علامتوں کی توہین کی اجازت نہیں ہے۔

--> Double Click 970 x 90
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More