ساجدسدپارہ کےٹو پہاڑ سر کرنےجمعہ کو روانہ ہورہےہیں

سماء نیوز  |  Jun 25, 2021

ساجد سدپارہ نے کےٹو پہاڑ کو سر کرنے کی مہم آج سے شروع کرنے کا اعلان کیا ہے۔

اسلام آباد میں جمعرات کو قومی ہیرو کوہ پیما علی سدپارہ کے بیٹے ساجد سدپارہ نے پریس کانفرنس کرتےہوئے بتایا کہ جمعہ کو  کے ٹو کی پہاڑی سر کرنے جارہا ہوں۔ انھوں نے کہا کہ والد علی سدپارہ کےٹو سرکرنے گئے لیکن واپس نہ آسکے۔

ساجد سدپارہ کی ٹیم میں غیرملکی کوہ پیما بھی شامل ہیں اور ان کا کےٹو پر ڈوکیومنٹری فلم بنانے کا پروگرام ہے۔ ساجد سدپارہ نے بتایا کہ جون اسنو اور علی سدپارہ کی زندگی پر ڈاکیومنٹری بنائی جائے گی۔ اس مہم کا مقصد یہ بھی ہے کہ کےٹو پر جاکر یہ دیکھنا چاہتے ہیں کہ علی سدپارہ اور جان اسنو کے ساتھ کیا ہوا تھا۔

ساجد سدپارہ کا کہنا تھا کہ کے ٹو کو سر کرنے میں 40 سے 45 دن لگ سکتے ہیں اوراس دوران سرچ آپریشن بھی کیا جائے گا۔ انھوں نے مزید بتایا کہ گلگت بلتستان سے کےٹو سرکرنےکی بات کی تھی لیکن ان کی جانب سےکوئی جواب اب تک نہیں آیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More