آصف زرداری کا لاہور میں قیام،کوئی سیاسی کامیابی نہ مل سکی

سماء نیوز  |  Jun 25, 2021

سابق صدر آصف علی زرداری کو لاہور میں 6 دن قیام کے دوران کوئی سیاسی کامیابی نہیں ملی ہے۔

سماء کے نمائندے خصوصی نعیم اشرف بٹ نے بتایا کہ آصف زرداری  کے چند ناراض حکومتی ارکان اسمبلی سے رابطے  بےنتيجہ رہے ہیں۔ پی ٹی آئی کے ناراض ارکان نے ان سے ملاقات کرنے سے معذرت کرلی۔آصف زرداری نے جن افراد سے ملاقاتیں کی ہیں وہ یا تو انتخابات میں شکست کھا چکے ہیں یا سیاسی طور پر غیر فعال ہیں۔

آصف زرداری نے جنوبی پنجاب سے پی ٹی آئی اور نون لیگ کے ارکان سے رابطے کیے لیکن وہ بےسود رہے۔آصف زرداری نے فیصل صالح حیات اور منظور وٹو سے ملاقات کی جو اس وقت سیاسی میدان میں موجود نہیں ہیں۔ پرویزالہی سے ملاقات خوشگوار ماحول میں ہوئی لیکن کوئی پیش رفت نہ ہوسکی۔

پیپلزپارٹی رہنما نے نام نہ ظاہر کرتے ہوئے بتایا ہے کہ پنجاب میں فی الحال کسی بڑے سیاسی بریک تھرو کا امکان نہيں ہے۔بہت سارے  ناراض ارکان سے رابطے ہوئے لیکن وہ سامنے نہیں آنا چاہتے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More