وزیراعلیٰ پنجاب کی آزاد جموں و کشمیر کے صدر سے ملاقات

بول نیوز  |  Sep 20, 2021

وزیراعلیٰ پنجاب سردار عثمان بزدار نے آزاد جموں و کشمیر کے  صدر بیرسٹر سلطان محمود چوہدری سے ملاقات کی ہے۔

تفصیلات کے مطابق وزیراعلیٰ پنجاب سردار عثمان بزدار اور آزاد جموں و کشمیر کے  صدر بیرسٹر سلطان محمود چوہدری کی ملاقات میں وزیراعلیٰ آفس میں ہونے والی ملاقات میں سیاسی امور اورترقیاتی منصوبوں پر تبادلہ خیال کیا گیا ہے۔

ملاقات میں وزیراعلیٰ  پنجاب سردارعثمان بزدارنے آزاد جموں و کشمیر کے  صدر بیرسٹر سلطان محمود چوہدری کو آزاد جموں و کشمیر کا صدر منتخب ہونے پر مبارکباد دی، نیک خواہشات کا اظہار کیا ہے۔

ملاقات میں آزاد جموں و کشمیر کے  صدر بیرسٹر سلطان محمود چوہدری نے آزاد کشمیر الیکشن میں بھرپور سپورٹ پر وزیراعلی عثمان بزدار کا شکریہ ادا کیا ہے۔

ملاقات میں وزیراعلیٰ  پنجاب سردارعثمان بزدار کا کہنا ہے کہ پاکستان تحریک انصاف کی آزاد کشمیر کے عام انتخابات میں شاندار کامیابی نے ثابت کیا ہے کہ عوام حکومتی پالیسیوں کا تسلسل چاہتے ہیں، آزاد کشمیراب حقیقی معنوں میں ترقی اورخوشحالی کی راہ پر گامزن ہوگا، گلگت بلتستان کے بعد آزاد کشمیر میں بھی نئے پاکستان کی بنیاد رکھی جاچکی ہے۔

انھوں نے کہا ہے کہ آزاد کشمیر الیکشن میں بھی شفافیت اور خدمت نے منفی سیاست کو شکست دی ہے،مسلسل لاک ڈاؤن بھی کشمیری عوام کے جذبہ آزادی کو نہیں دبا سکا ہے، مقبوضہ کشمیر میں بھارتی سرکار کی جبرو استبداد کی پالیسی مکمل ناکام ہوچکی ہے، بھارت اپنی آگ میں خود جل رہا ہے، وہ دن دورنہیں جب بھارت کے کئی ٹکڑے ہوجائیں گے۔

ان کا کہنا ہے کہ ہم کشمیریوں کے ساتھ تھے ، ہیں اورہمیشہ ساتھ رہیں گے، ہمارے دل کشمیر کیلئے اورکشمیریوں کے ساتھ دھڑکتے ہیں، ترقی کے سفر میں پنجاب بڑے بھائی کی حیثیت سے آزاد کشمیر کا ساتھ دے گا۔

دوسری جانب ملاقات میں آزاد جموں و کشمیر کے  صدر بیرسٹر سلطان محمود چوہدری نے کہا ہے کہ  بھارت نے مقبوضہ کشمیر کو جیل میں بدلا ہوا ہے، کشمیری عوام نے اپنے لہوسے آزادی کی شمع روشن کی ہوئی ہے، وزیراعظم عمران خان نے ہر فورم پر تنازعہ کشمیر کا مقدمہ جرات اوردلیل سے لڑا ہے، پنجاب میں واضح تبدیلی نظر آرہی ہے،عثمان بزدار کی محنت رنگ لارہی ہیں، عثمان بزدار کا تمام علاقوں کی یکساں ترقی کا ویژن ہر لحاظ سے قابل تعریف ہے۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More