پاکستان اور بھارت کے درمیان کھیلے جانے والے میچ میں بھارتی ٹیم کے کپتان ویرات کوہلی سر پر دو کیپ پہنے نظر آئے جس پر کافی لوگوں کو تجسس ہوا۔
ورلڈ کپ ٹی ٹوئنٹی میں بروز اتوار پاکستانی ٹیم کی جانب سے بھارتی ٹیم کو 10 وکٹوں سے شکست دے کر تاریخی کامیابی حاصل کی گئی۔
پاک بھارت ٹاکرے کے دوران بھارتی کپتان ویرات کوہلی نے 2 کیپس پہن رکھی تھیں اور بہت سے لوگوں کو اس حوالے سے معلوم نہیں ہوگا لیکن اس کا معمہ حل ہوگیا ہے۔
دراصل کووڈ کے پیش نظر جس طرح دیگر چیزوں میں اصول تبدیل کیے گئے ویسے ہی کرکٹ میں بھی اب کھلاڑیوں کے لیے نیا اصول بنایا گیا ہے جس کے تحت باؤلر امپائر کو اپنی کیپ یا رومال نہیں دے سکتا۔
میچ کے دوران باؤلر اپنی کیپ کپتان یا پھر کسی دوسرے فیلڈر کو تھما دیتا ہے اور وہ اسے سر پر پہن لیتا ہے۔ یہی وجہ ہے کہ ویرات کوہلی نے دو کیپ پہن رکھی تھیں۔