گزشتہ کئی مہینوں سے کترینہ کیف اور وکی کوشل کی شادی سے متعلق قیاس آرائیاں جاری تھیں کہ یہ دونوں شادی کرنے جا رہے ہیں۔
شروعات میں تو دونوں اداکاروں کی جانب سے کھل کر نہیں بتایا گیا لیکن بھارتی میڈیا کے مطابق بالی وڈ کی مقبول ترین اداکارہ کترینہ کیف اور اداکار وِکی کوشل رواں سال دسمبر میں شادے کرنے جارہے ہیں۔
شادی پر کس ڈیزائنر کا جوڑا پہنیں گی؟
بھارتی ویب سائٹ ای ٹائمز نے دعویٰ کیا ہے کہ دونوں اداکار دسمبر میں رشتہ ازدواج میں منسلک ہونے جا رہےہیں جبکہ اداکارہ کترینہ کیف اپنی شادی کے لیے معروف ڈیزائنر سبیاساچی کا جوڑا زیب تن گریں گی۔
رپورٹس میں یہ بھی کہا گیا ہے کہ کترینہ ان دنوں اپنی شادی کے جوڑے کا انتخاب کرنےمیں مصروف ہیں تاہم وِکی کوشل اور کترینہ کیف کی جانب سے اپنی شادی کی حالیہ خبروں سے متعلق تاحال کوئی بیان سامنے نہیں آیا ہے۔
بھارتی میڈیا کے ذرائع نے مزید دعویٰ کیا کہ اداکارہ نے را سِلک کا کپڑا منتخب کرلیا ہے جس کا لہنگا تیار کیا جائے گا۔
دوسری جانب مختلف بھارتی ویب سائٹس نے کترینہ اور وکی کوشل کی شادی کی خبروں کی تردید کرتے ہوئے کہا کہ دونوں اداکاروں کی شادی سے متعلق خبروں میں سچائی نہیں ہے۔