میوزک سے میرا بہت گہرا تعلق ہے ، جواد احمد

بول نیوز  |  Oct 27, 2021

پاکستان کے معروف گلوکار جواد احمد نے کہا ہے کہ میوزک سے میرا بہت گہرا تعلق ہے۔

تفصیلات کے مطابق پاکستان کے معروف گلوکار جواد احمد نے کہا ہے کہ مجھے بیس سال ہو گئے سولو پرفارم کرتے ہوئے۔

انہوں نے کہا کہ مجھے جامعہ میں میوزک کرنے نہیں دیا جاتا تھا ، ایک وقت آیا کہ مجھے اسٹیج پر پرفارم کرنے سے منع کر دیا گیا ، مجھے جان سے مار دینے کے آرڈر تک دیے گئے ، میوزک سوسائٹی بنائی اور اسے کامیابی سے چلایا بھی ، اس زمانے میں صرف تین ہی بینڈز تھے، جنون، جیوپٹر اور وائٹل سائنز۔

جواد احمد نے کہا ہے کہ میوزک 89 کا پروگرام ہوا تو ملک میں ایک واویلا مچ گیا ، جب میں جیوپٹر بینڈ میں تھا ، تب سوچا کہ میں سیاست کروں گا ، مجھے بنیادی ضروریات کی پامالی کا بے حد دکھ ہوتا ہے ، کوئی اگر کچھ کرنا چاہے اسے کرنے نہیں دیا جاتا۔

پاکستان کے معروف گلوکار جواد احمد نے کہا کہ اپنے البم کے پہلے گانے اللہ میرے دل کے اندر کی وڈیو میں غریب اور امیر کے فرق کو دکھایا ، تنقید ہوئی کہ کوئی لو سونگ بناؤ ، گانا نہیں چلا، زیادہ تر عوام نے پسند نہیں کیا۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More