روس اگلے سال جنوری میں حملہ کر دے گا ، یوکرینی وزیر دفاع کا خدشہ

بول نیوز  |  Dec 03, 2021

بین الاقوامی میڈیا رپورٹس کے مطابق یوکرینی وزیردفاع  نے خدشہ ظاہر کیا ہے کہ جنوری میں روسی افواج یوکرین پر حملہ کر دیں گی۔

یوکرین کی سرحد ‏پر روسی فوجیوں کی تعداد 94 ہزار سے تجاوز کر گئی ہے۔

انہوں نے کہا کہ روسی افواج کا بڑی تعداد میں یوکرینی سرحد پر جمع ہونا اس بات کی نشاندہی کرتا ہے کہ یوکرین اسے اکسائے اور وہ حملہ کر دے لیکن یوکرین ایسا نہیں کرے گا، لیکن اگر روس نے حملہ کیا تو بھرپور جواب دیا جائے گا۔

انہوں نے مزید کہا کہ یوکرین ہمیشہ ہمسایہ ممالک کے ساتھ دوستانہ تعلقات رکھنے کا خواہش مند ہے اور مسلئے کا سیاسی اور سفارتی حل میں زیادہ دلچسپی رکھتا ہے۔

روس کے صدر ولادی میر پیوٹن نے مغربی مماک کو خبردار کیا ہے کہ وہ مقررہ حدود کو عبور کرنے کی غلطی نہ کریں ورنہ خوفناک جنگ مسلط کر دی جائے گی۔

نیٹو کے سیکریٹری جنرل جیز نے یوکرین میں روسی فوج کی موجودگی اور مداخلت کا الزام عائد کیا تھا۔ اُن کا ‏کہنا تھا کہ ’ہم نے حالیہ ہفتوں کے دوران یوکرین میں روسی فوج بڑی تعداد میں دیکھی، یہ تشویشناک بات ہے ‏کیونکہ اگر روس نے روش ترک نہ کی تو صورت حال اور تعلقات خراب ہوسکتے ہیں‘۔

روسی صدر نے اس الزام پر ردعمل دیتے ہوئے کہا کہ ’ایک طرف تو یوکرین کے ساتھ معاملات اختتام کی جانب ‏بڑھ رہے ہیں تو دوسری جانب مغربی ممالک بیلا روس اور پولینڈ مہاجرین کے لیے سرحدیں بند کر کے دباؤ ‏بڑھانے کی کوشش کررہا ہے‘۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More