سلمان خان ایک مشہور اداکار صرف لوگوں کو اپنی فلموں اور باتوں سے خوش نہیں کرتے بلکہ ان یہ بھارت میں رہنے والے لاکھوں غریب غرباء کی مدد ایک عرصے سے کر رہے ہیں۔ انہوں نے اپنی فلاحی تنظیم بینگ ہیومن 2007 میں بنائی لیکن اس سے قبل بھی یہ لوگوں کی مدد کیا کرتے تھے۔ ان کی ذات کا سب سے زیادہ مثبت حصہ یہی ہے جس کی تعریف ہر خاص و عام کرتا ہے۔
حال ہی میں ایک انٹرویو کے دوران بھارت کی مشہور اداکارہ عائشہ جھلکا نے سلمان خان کی تعریف کرتے ہوئے انکشافات کیے کہ:
"
جب بھی ہم کہیں کھانا کھانے جاتے یا کوئی کھانا لے کر آتا اس میں سے جو بھی کھانا بچ جاتا تو سلمان خان وہ پیک کروا کر باہر نکلتے تھے تاکہ جو غریب مدد کو پکارے وہ اسے دے سکیں۔ یہ تقریباً روزانہ ہوتا تھا ہ سلمان خان غریب بچوں کے لئے کھانا پیک کرواتے تھے اور راستے میں جو بھی کھانا مانگتا تھا سلمان وہ اسے دے دیتے تھے۔
"
اداکارہ نے یہ بھی کہا کہ:
"
مجھے سلمان اسی لیے پسند ہیں کیونکہ وہ ایک اچھےانسان ہیں، شوٹنگ ختم ہونے کے بعد گھر جانے سے پہلے میں انہیں بچا ہوا کھانا پیک کرتے ہوئے دیکھتی تھی، وہ کسی نہ کسی مانگنے والے کو ڈھونڈتے، اکثر رات دیر ہوچکی ہوتی تھی لیکن سلمان سڑک پر سوئے ہوئے کسی غریب کو بچا ہوا کھانا دے دیا کرتے تھے۔
"
سلمان خان نے کورونا کے 2 سالوں میں بھارت کے 5 لاکھ سے زائد خاندانوں کو مکمل خوارک اور دیگر اخراجات کی مد میں رقم دی تھی۔