دیہاتی ہوں یا پھر شہری سب ہی اپنی ثقافت کو کھل کر فروغ دیتے ہیں۔ ثقافت کی بات ہو رہی ہے تو ہم کیسے "سندھ کلچر ڈے" کو بھول سکتے ہیں۔
پاکستان میں کل بروز 4 دسمبر کو ملک بھر میں سندھ کے باسیوں نے شان و شوکت کے ساتھ اپنا یہ خاص دن منایا۔
ایسے میں سوشل میڈیا پر مشہور بھارتی اداکار سلمان خان کی بھی ایک ویڈیو خوب گردش کر رہی ہے جس میں ہم دیکھ سکتے ہیں کہ سب کے بھائی جان سندھی ٹوپی اور اجرک پہنے بچوں کے درمیان کھڑے ہیں۔
اس موقعے پر کچھ خواتین بھی موجود تھیں جنہوں نے ان کے ساتھ تصاویر بنوائیں اور تحفے کے طور پر سلمان خان کو اجرک اور سندھی ٹوپی پہنائی۔
دراصل یہ ویڈیو آج کی نہیں بلکہ 10 سال پرانی ہے مگر سندھ کلچر ڈے کی مناسبت سے اب دوبارہ سے وائرل ہو رہی ہے۔ اور تو اور یہاں آپکو یہ بھی بتاتے چلیں کہ یہ بچے، مردو خواتین کوئی اور نہیں بلکہ پاکستانی تھے۔
اس کے علاوہ پاکستان کے سندھیوں نے ملک کے مختلف علاقوں میں تقریبات کا اہتمام کیا۔ جبکہ نوجوانوں نے کراچی میں سی ویو، 2 دریا اور مختلف پارکوں میں ہلا گلا کیا۔