میسی، رونالڈو آمنے سامنے: دوستانہ میچ کا خصوصی ٹکٹ، قیمت ایک کروڑ ریال

ریاض: دنیائے فٹبال کے عالمی شہرت یافتہ کھلاڑی کرسٹیانو رونالڈو اور لیونل میسی جب ایک دوستانہ میچ میں آمنے سامنے ہوں گے تو اسے براہ راست دیکھنے والے شخص کے پاس جو خصوصی ٹکٹ ہو گا اس کی قیمت ایک کروڑ سعودی ریال تک پہنچ گئی ہے جس میں مزید اضافے کا بھی امکان ہے۔

عالمی میڈیا رپورٹ کے مطابق کرسٹیانو رونالڈو اور لیونل میسی کے درمیان ہونے والے دوستانہ میچ کو دیکھنے کے لیے ایک خصوصی ٹکٹ کی بولی لگائی گئی ہے جو 10 ملین ریال یعنی 2.66 ملین ڈالرز تک پہنچ چکی ہے جب کہ بولی 17 جنوری تک جاری رہے گی۔

— TURKI ALALSHIKH (@Turki_alalshikh) January 11, 2023

دوستانہ میچ کے خصوصی ٹکٹ ہولڈر کو یہ موقع دیا جائے گا کہ وہ اختتامی تقریب میں شرکت کرنے کا مجاز ہو گا، ڈریسنگ روم میں داخل ہوسکے گا اور کرسٹیانو رونالڈو اور لیونل میسی سے بھی مل سکے گا۔

کرسٹیانو رونالڈو اور لیونل میسی دسمبر 2020 کے بعد سعودی عرب کے دارالحکومت ریاض میں 19 جنوری کو ایک دوسرے کے مد مقابل ہوں گے۔

کنگڈم سویٹ، رونالڈو کے لیے شاہی رہائش کا انتظام

ریاض میں کھیلے جانے والے دوستانہ میچ میں کرسٹیانو رونالڈو النصر کلب جب کہ لیونل میسی پیرس سینٹ جرمن (پی ایس جی) کی نمائندگی کریں گے۔