شعیب اختر کو پی سی بی میں اہم ذمہ داری ملنے کا امکان

ہم نیوز  |  Jan 17, 2023

 پی سی بی نے سابق فاسٹ بالر شعیب اختر کی خدمات حاصل کرنے پر غور شروع کردیا۔

شاہد آفریدی کے بعد شعیب اختر کو بھی پی سی بی میں اہم ذمہ داری ملنے کا امکان ہے۔ذرائع کے مطابق آئندہ دنوں میں انہیں امور سونپے جا سکتے ہیں۔

ذرائع کا کہنا ہے کہ پی سی بی کی جانب سے باقاعدہ طور پر  شعیب اختر سے رابطہ کر کے ان کی رضامندی بھی حاصل کی گئی ہے۔

ذرائع نے یہ بھی دعویٰ کیا ہے کہ فاسٹ بالر شعیب اختر نے بھی پی سی بی حکام کو کرکٹ بورڈ میں کام کرنے لیے رضامندی کا اظہار کیا ہے۔ جس کے بعد جلد ان کی پی سی بی کے سربراہ نجم سیٹھی سے ملاقات کی توقع کی جارہی۔

نجم سیٹھی ملاقات میں شعیب اختر کو باقاعدہ طور پرذمہ داریوں کی پیشکش کریں گے۔  پی سی بی کی جانب سے پالیسی سازی میں معاونت کے لیے شعیب اختر کی خدمات  لیے جانے کا امکان ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More