ایل پی جی بلیک میں فروخت کرنیوالوں نے 70 ارب روپے سے زائد کمائے، عرفان کھوکھر

ہم نیوز  |  Jan 30, 2023

لاہور: چئیر مین ایل پی جی ایسوسی ایشن عرفان کھوکھر نے الزام عائد کیا ہے کہ ایل پی جی بلیک میں فروخت کرنے والوں نے صرف ایک ماہ کے دوران 65 سے 70 ارب روپے سے زائد کمائے ہیں۔

انہوں نے پریس کانفرنس سے خطاب کرتے ہوئے کہا کہ ایل پی جی کی بلیک میں فروخت کا وزیراعظم میاں شہباز شریف نے نوٹس لیا ہے اور پیٹرولیم ڈویژن سے تین روز میں رپورٹ طلب کر لی ہے۔

عرفان کھو کھر نے کہا کہ پیٹرولیم ڈویژن آئندہ تین دن میں مکمل جانچ پڑتال کے بعد رپورٹ وزیراعظم کو بھجوائے گا، ہم نے ہڑتال مؤخر کی ہے مگر احتجاج جاری رہے گا۔

چئیر مین ایل پی جی ایسوسی ایشن نے خبردار کرتے ہوئے واضح کیا کہ مسئلہ حل نہ ہوا تو پھر ملک بھر میں ایل پی جی مکمل طور پر بند کردیں گے۔

عرفان کھو کھر نے پریس کانفرنس سے خطاب کرتے ہوئے کہا ایل پی جی کی فی کلو قیمت 204 روپے ہے جب کہ فروخت 300 روپے میں ہو رہی ہے، ایل پی جی بلیک میں فروخت کرنے والوں کے خلاف کریک ڈاؤن ہونا چاہیے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More