سابق قومی کرکٹ ٹیم کے کپتان شاہد آفریدی نے بیٹی کے سوشل میڈیا اکاؤنٹ سے متعلق اعلان کیا ہے۔
گذشتہ ہفتہ جمعے کے روز شاہد آفریدی کی بیٹی انشا آفریدی کا نکاح قومی فاسٹ باؤلر شاہین کے ساتھ ہوا جس کے چرچے پورے انٹرنیٹ پر ہوتے رہے۔
نکاح کی تقریب سے تصاویر اور ویڈیوز سوشل میڈیا پر وائرل ہوئی تھیں۔ لیکن اب ایک اور تصویر وائرل ہو رہی ہے جس کی وضاحت شاہد آفریدی کو خود کرنا پڑی۔
شاہد آفریدی کی بیٹی کے نام سے منسوب جعلی ٹوئٹر اکاؤنٹ بنایا گیا ہے جس پر شاہد آفریدی نے برہمی کا اظہار کرتے ہوئے تردید کی ہے۔
شاہد آفریدی نے اپنی بیٹی انشا کے جعلی ٹوئٹر اکاؤنٹ کی ایک تصویر شئیر کی ہے جس پر انہوں نے خاص نوٹ تحریر کیا ہے۔
شاہد آفریدی نے کہا کہ میری بیٹیاں سوشل میڈیا اکاؤنٹس پر نہیں ہیں، اور ان کے نام سے جتنے بھی اکاؤنٹس موجود ہیں وہ سب جعلی ہیں جنہیں فوری رپورٹ کرنا چاہیے۔
خیال رہے اس سے قبل بھی شاہد آفریدی بیٹیوں کے سوشل میڈیا اکاؤنٹس سے متعلق وضاحت دے چکے ہیں۔