کتنے لاکھ کا تھا ۔۔ شاہین کی دلہن کے جوڑے میں ایسی کیا خاص بات تھی جو وہ اتنا مہنگا ہے؟

ہماری ویب  |  Feb 06, 2023

شاہین شاہ آفریدی کا نکاح 3 فروری کو کراچی کی ایک مسجد میں ہوا اور تقریب گولف کلب میں کی گئی جہاں دستوں اور رشتے داروں سمیت اہم شخصیات نے بھی شرکت کی۔ ان کے نکاح کی تھیم بھی سفید اور گلابی رنگ پر رکھی گئی تھی۔ جہاں تازہ پھولوں سے سجاوٹ کرکے تقریب کو چار چاند لگائے گئے تھے۔

انشاء آفریدی نے نکاح پر ہلکے گلابی ( ٹی پنک شیڈ ) کا جوڑا پہنا جو میکسی سٹائل فراق ہے اور ایمبرائڈری سے بھرا ہوا ہے اس کی آستینیں بھی کٹ ورک والے ڈیزائن کی ہیں جس پر بہت باریکی سے کام کیا گیا ہے۔ ان کا جوڑا دیکھنے میں بہت خوبصورت لگ رہا ہے۔ اس کو لاہور کے ایک بوتیک ری پبلک وومن ویئر بائے ثناء سکندر خان نے ڈیزائن کیا ہے۔

انشاء کا برائیڈل لُک ہر کسی کو پسند آیا، ان کو دیکھ کر پہلے تو لوگوں کو لگا کہ وہ ایڈٹ تصویر ہے جس میں وہ دلہن بنی بیتھی ہیں لیکن پھر جب تصاویر وائرل ہوئیں تو لوگوں کو یقین ہی نہیں آیا کہ یہ اتنی حسین دکھ رہی ہیں۔ انسٹاگرام پر کئی پیجز نے ان کے ڈریس اور ڈیزائنر کو ٹیگ کیا جس سے لوگوں نے اس جوڑے کی قیمت معلوم کرنے کی کوشش کی۔

ان کے جوڑے کی قیمت جب انسٹاگرام پر موجود ری پبلک وومن ویئر کے آفیشل پیج پر میسج کرکے پوچھی گئی تو اگلے روز بتایا گیا کہ اس کی قیمت 7 لاکھ کے قریب ہے۔ اور ساتھ ہی میسج میں یہ بات بھی لکھی گئی ہے کہ اس ڈیزائنر کے برائیڈل جوڑے ساڑھے 4 لاکھ روپے سے شروع ہوتے ہیں اور ساڑھے 12 لاکھ یا اس سے بھی زیادہ پر تیار کیے جاتے ہیں۔

جوڑے کو دیکھ کر لگ رہا ہے کہ یہ آرگنزا کا کپڑا ہے جس پر تلے کی کڑاہی سے کام کیا گیا ہے اور ہاتھ سے کٹ ورک بنایا گیا ہے۔ خوبصورت لباس کو بنانے میں وقت بھی زیادہ لگا ہوگا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More