آئی ایس آئی کے شہید بریگیڈیئر مصطفیٰ کمال برکی کی نمازجنازہ ادا

ہم نیوز  |  Mar 22, 2023

راولپنڈی: آئی ایس آئی کے شہید بریگیڈیئر مصطفیٰ کمال برکی کی نمازجنازہ ادا کردی گئی ہے۔

پاک فوج کے شعبہ تعلقات عامہ (آئی ایس پی آر) کے مطابق شہید بریگیڈیئر مصطفیٰ کمال برکی کی نماز جنازہ میں صدر مملکت ڈاکٹر عارف علوی، وزیراعظم میاں شہباز شریف، چیئرمین جوائنٹ چیفس آف اسٹاف کمیٹی جنرل ساحر شمشاد اور چیف آف آرمی اسٹاف جنرل عاصم منیر نے شرکت کی۔

آئی ایس پی آر کے مطابق نماز جنازہ میں ڈی جی آئی ایس آئی سمیت پاک آرمی کے ریٹائرڈ اور حاضر سروس افسران و جوانوں کے علاوہ اراکین پارلیمنٹ نے بھی شرکت کی۔

شہید بریگیڈئیر مصطفیٰ کمال برکی کی نمازجنازہ میں اعلیٰ سرکاری حکام اور مختلف شعبہ ہائے زندگی سے تعلق رکھنے والے افراد نے بھی شرکت کی۔

واضح رہے کہ گزشتہ روز دہشت گردی کے خلاف جنوبی وزیرستان کے علاقے انگور اڈا میں آپریشن کی قیادت کرتے ہوئے بریگیڈیئر مصطفیٰ کمال برکی نے جام شہادت نوش کیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More