سونے کی فی تولہ قیمت میں ہزار روپے کی کمی

ہم نیوز  |  Jun 06, 2023

کاروباری ہفتے کے پہلے ہی روز سونے کی فی تولہ قیمت میں ہزار روپے کی بڑی کمی دیکھنے میں آئی ہے جس کے بعد سونے کی فی تولہ قیمت 2 لاکھ 30 ہزار 400 روپے پر پہنچ گئی۔

تفصیلات کے مطابق آج ملک بھر میں فی تولہ سونے کا بھاؤ ایک ہزار روپے کم ہوا ہے۔ اس سے قبل گزشتہ کاروباری ہفتے کے اختتام پر سونے کی فی تولہ قیمت 2 لاکھ 31 ہزار 400 ریکارڈ کی گئی تھی۔

آل پاکستان جیمز اینڈ جیولرز ایسوسی ایشن کے مطابق عالمی صرافہ بازار میں سونے کا دام 8 ڈالر کمی کے بعد 1940 ڈالر فی اونس ہے۔ اسی طرح 10 گرام سونے کی قیمت 857 روپے کمی کے بعد ایک لاکھ 97 ہزار 531 روپے تک آپہنچی۔

خیال رہے کہ گزشتہ کاروباری ہفتے بھی سونے کی قیمت میں کمی کا رجحان دیکھا گیا۔ گزشتہ کاروباری ہفتے کے آخری روز سونے کی قیمت میں ایک مرتبہ پھر 1600 روپے کی کمی ریکارڈ کی گئی تھی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More