شاہد آفریدی بھارت پر برہم

ہم نیوز  |  Jun 07, 2023

کراچی: قومی کرکٹ ٹیم کے سابق کپتان شاہد آفریدی نے ایشیا کپ میں بھارت کے پاکستان نہ آنے اور ہائبرڈ ماڈل کی تجویز بھی قبول نہ کرنے پر برہمی کا اظہار کیا۔

قومی کرکٹ ٹیم کے سابق کپتان شاہد آفریدی نے کہا کہ پاکستان کرکٹ بورڈ (پی سی بی) ایشا کپ کے حوالے سے اور کیا کر سکتا ہے اس نے ہمیشہ ہی ہر بورڈ کو سپورٹ کیا ہے۔ پی سی بی نے بنگلہ دیش، افغانستان، سری لنکا سمیت دیگر بورڈز کو بھی سپورٹ کیا۔

انہوں نے کہا کہ بھارتی وزیر اعظم نریندر مودی سے کوئی اچھی امید نہیں رکھی جا سکتی اور جے شاہ مودی کو خوش کرنے کے لیے ایسی حرکتیں کرتے رہتے ہیں۔

یہ بھی پڑھیں: 

شاہد آفریدی نے کہا کہ میں ہمیشہ کہتا ہوں کرکٹ کو سیاست سے دور رکھا جائے۔ بھارتی جماعت شیوسینا کے صدر اور بانی بال ٹھاکرے ہمیں بھارت سے دھمکیاں دیتے تھے۔

انہوں نے کہا کہ سب کے باوجود حکومت پاکستان نے ٹیم کو بھیجنے سے انکار نہیں کیا اور پاکستانی ٹیم بھارت گئی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More