شادی کرنا نہیں چاہتا تھا لیکن.. اشنا شاہ اور حمزہ امین کی پہلی ملاقات کہاں ہوئی تھی؟ شادی سے متعلق دلچسپ راز کھول دیے

"میں جلدی نہیں کرنا چاہتا تھا اس لیے شادی سے پہلے تھوڑا انتظار بھی کیا. اشنا سے شادی سے پہلے شوبز انڈسٹری کو نہ فالو کرتا تھا نہ مجھے کچھ معلوم تھا اور اشنا بھی گالف کے بارے میں نہیں جانتی تھیں."

یہ کہنا ہے معروف اداکارہ اشنا شاہ کے شوہر حمزہ امین کا جنھوں نے اپنی اہلیہ کے ساتھ ندا یاسر کے پروگرام میں شرکت کرتے ہوئے اپنی شادی کے موضوع پر بات کی.

حمزہ امین نے بتایا کہ جب پہلی مرتبہ اشنا کی تصویر دیکھی تو یہ مجھے خوبصورت لگی تھیں. میں نے سوچا کہ ان سے ضرور ملنا ہے.

حمزہ امین نے بتایا کہ اشنا شاہ سے ان کی ملاقات ایک بھارتی دوست کی وجہ سے ہوئی جس نے پاکستان آئے حمزہ کو اشنا سے ملنے کا مشورہ دیا تھا.

اشنا شاہ نے مکمل تفصیل بتاتے ہوئے کہا کہ ہماری پہلی گفتگو واٹس ایپ پر ہوئی تھی. حمزہ نے میری تصاویر دیکھی تھیں پھر ہم نے دو دن باتیں کی اس کے بعد ملاقات ہوئی تھی۔

اشنا شاہ کہتی ہیں کہ شاید ہمارے مشرکہ دوست کو لگا ہوگا کہ ہمارا صحیح جوڑ بنے گا. حمزہ کو پہلے پتا بھی نہیں تھا کہ میں اداکارہ ہوں۔