مولانا عبد الغفور حیدری کا ایرانی صدر ابراہیم رئیسی کے انتقال پراظہار تعزیت

اسلام آباد۔20مئی (اے پی پی):جمعیت علما اسلام کے مرکزی سیکرٹری جنرل ممبر قومی اسمبلی مولانا عبد الغفور حیدری نے ایرانی صدر ابراہیم رئیسی کے طیارہ حادثے میں انتقال پر دکھ اور افسوس کا اظہار کیا ہے۔

پیر کو جے یو آئی کے میڈیا سیل کی جانب سے جاری بیان کے مطابق مولانا عبدالغفور حیدری نے کہا کہ ایرانی صدر ابراہیم رئیسی کے دور میں ایران کے پاکستان سے تعلقات اچھے رہے، ابراہیم رئیسی نےچین اور امریکا کے ساتھ تعلقات خوش گوار رکھنے کے سعی کی ۔ انہوں نے کہا کہ ابراہیم رئیسی نے فلسطین کا مقدمہ کھل کر پیش کیا۔ انہوں نے دعا کی کہ اللہ تعالیٰ ان کی مغفرت فرمائے اور ان کے پسماندگان کو صبر جمیل عطا فرمائے۔