لیورپول۔16اپریل (اے پی پی):لیورپول کے دفاعی کھلاڑی کونر بریڈلے کے ٹخنے میں انجری کے باعث کھیل سے تین ہفتے دوری کے امکانات ہیں۔ 20 سالہ فٹ بالر گزشتہ روز پریمیئر لیگ میں کرسٹل پیلس کے خلاف دوسرے ہاف کے آغاز میں ہی انجری کا شکار ہوگئے تھے،
اس میچ میں لیورپول کو تین صفر سے شکست کا سامنا کرنا پڑا۔ بریڈلے جمعرات کو ایٹلانٹا میں ہونے والے یورپا لیگ سمیت اپریل میں فلہم، ایورٹن اور ویسٹ ہیم کے خلاف میچوں سے باہر ہوگئے ہیں۔ ان کے متبادل کے طور پر ٹرینٹ الیگزینڈر آرنلڈ کو شامل کرلیا گیا ہے جو گھٹنے کی انجری سے نجات پانے کے بعد کھیل میں واپس آئے ہیں۔
بریڈلے کی مئی میں واپسی کے امکانات ہیں جب لیورپول کے پریمیئر لیگ میں ٹوٹنہم، ایسٹن ولا اور وولوز سے مقابلے ہونےہیں۔