وزیراعظم کی سینیٹ کا اجلاس بلانے کی ہدایت

بول نیوز  |  May 20, 2020

وزیر اعظم عمران خان نے سینیٹ (ایوان بالا) کا اجلاس بلانے کی ہدایت کی ہے۔

تفصیلات کے مطابق وزیراعظم نے مشیر برائے پارلیمانی امور بابر اعوان سے ملاقات کے  دوران سینیٹ کا اجلاس بلانے کی ہدایت کی ہے۔

ذرائع کے مطابق ملاقات کے دوران مشیر برائے پارلیمانی امور بابر اعوان نے نوجوان پارلیمانی رہنماؤں کی تربیت سازی کا منصوبہ وزیر اعظم عمران خان کو پیش کیا۔

اس موقع پر عمران خان کا کہنا تھا کہ ہمارے لیے فیڈریشن اہمیت کی حامل ہے، سکوک بانڈز پر عالمی برادری اور سرمایہ کاروں کا مثبت ردعمل حکومت پر اعتماد کا مظہر ہے۔

انھوں نے کہا کہ قومی اداروں کو مضبوط بنانے میں وزارت پارلیمانی امور کا کلیدی کردار ہے،تحریک انصاف قومی اداروں کو مضبوط اور فعال بنانے کے لیے پرعزم ہے۔

وزیر اعظم  نے مزید کہا کہ عوام عید کے دوران حفاظتی اقدامات پر عمل درآمد یقینی بنائیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More