میں کبھی بھی اپنے دشمنوں سے دور نہیں بھاگتی، اداکارہ مہوش حیات

بول نیوز  |  Jul 13, 2020

اداکارہ و تمغہ امتیاز مہوش حیات نے ایک خصوصی پیغام جاری کر دیا۔

مہوش حیات نے سماجی رابطے کی ویب سائٹ انسٹاگارم پر ناقدین کے لیے ایک خصوصی پیغام پوسٹ کیا ہے۔

اداکارہ مہوش ںے اپنی ایک تصویر شیئر کی جس کے ساتھ ہی اداکارہ نے اُن سے نفرت کرنے والوں کو اُن کی تنقید کا جواب دیتے ہوئے پیغام بھی جاری کیا ہے۔

I don’t run from my demons .. I learn their names❗️ pic.twitter.com/5nMbECEYUj

— Mehwish Hayat TI (@MehwishHayat) July 12, 2020

اداکارہ نے کہا کہ میں کبھی بھی اپنے دشمنوں سے دور نہیں بھاگتی ہوں بلکہ اُن کا سامنا کرتی ہوں اور اُن کے نام یاد رکھتی ہو۔

یاد رہے کہ بڑی تعداد میں اداکارہ کے مداح اُن کے ٹوئٹ پر اُن کی حمایت کرتے ہوئے اپنی اپنی رائےکا اظہار کر رہے ہیں۔

اِس سے قبل مہوش حیات نے نامناسب جواب دینے والی صارف کی کلاس لی تھی۔

اداکارہ نے ٹوئٹر پر اپنی ایک ویڈیو شیئر کی تھی جس میں اُنہوں نے والدین سے پولیو کے قطرے لازمی پلانے کی اپیل کی تھی۔

اِس ویڈیو کے جواب میں فائزہ نامی ایک صارف نے انتہائی نامناسب الفاظ استعمال کرتے ہوئے اداکارہ کو جواب دیتے ہوئے لکھا تھا کہ کاش یہ بات آپ کے والدین کو بھی کوئی بتا دیتا تو آج آپ بھی نارمل ہوتیں۔

مہوش حیات نے صارف کو جواب دیتے ہوئے لکھا تھا کہ کاش کہ آپ کے والدین نے آپ کو تھوڑی تمیز سکھائی ہوتی، تو آپ بھی طور طریقوں اور ادب و آداب سے واقف ہوتیں۔

واضح رہے کہ ان تمامم تر وجوہات کی وجہ سے مہوش حیات کی جانب سے سوشل میڈیا پر اُن کے ناقدین کے لیے پیغام جاری کیا گیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More