بھارت میں ایک ہی دن میں کرونا وائرس کے 54ہزار کیسز سامنے آگئے

روزنامہ اوصاف  |  Aug 02, 2020

نئی دہلی (مانیٹرنگ ڈیسک)بھارت میں ایک روز میں کورونا کے ریکارڈ 54 ہزار مریض سامنے آگئے جس کے بعد ملک بھر میں کورونا کے مریضوں کی تعداد 17 لاکھ سے تجاوز کرگئی۔بھارتی وزارت صحت کے مطابق گزشتہ 24 گھنٹوں کے دوران ملک میں 853 افراد کورونا سے ہلاک ہوئے جس سے ہلاکتوں کی مجموعی تعداد 37 ہزار 364 تک جا پہنچی ہے جب کہ 11 لاکھ 45 ہزار سے زائد مریض اب تک صحتیاب بھی ہوئے ہیں۔بھارتی میڈیا کے مطابق ریاست مہاراشٹرا کورونا سے سب سے زیادہ متاثر ہے جہاں ایکٹو کیسز کی تعداد تقریباً ڈیڑھ لاکھ ہے اور ہلاکتیں 15 ہزار سے تجاوز کرگئی ہیں جب کہ ریاست میں مجموعی طور پر 4 لاکھ 31 ہزار کیسز سامنے آچکے ہیں۔اس کے علاوہ ریاست تامل ناڈو میں کورونا سے ہلاکتوں کی تعداد 4 ہزار سے تجاوز کرگئی ہے جہاں کورونا کی کیسز کی تعداد ایک لاکھ سے زائد ہے۔بھارتی وزارت صحت کے مطابق ریاست آندھرا پردیش میں کورونا کے کیسز کی تعداد ایک لاکھ 40 ہزار سے تجاوز کرگئی ہے جہاں صرف جولائی میں کورونا کے ایک لاکھ 26 ہزار سے زائد کیسز سامنے آئےبھارتی دارالحکومت نئی دہلی میں کورونا کے کیسز کی تعداد ایک لاکھ 36 ہزار سے زائد ہے اور تقریباً 4 ہزار افراد ہلاک بھی ہوچکے ہیں۔
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More