وسطی امریکی ملک میکسیکو کے دارالحکومت میں ایک نالے کی صفائی کے کام کے دوران اِنسانی قد سے بھی بڑا چوہا برآمد ہوا ہے جسے دیکھ کر شہری حیرت زدہ ہوگئے۔
میونسپلٹی ادارے کے ملازم اُس وقت حیران رہ گئے جب انہوں نے ایک بڑے نالے کی صفائی کے دوران 22 ٹن کچرا نکالا تو نالے کے بالکل نیچے سے ایک انسانی سائز سے بڑا چوہا برآمد ہوا۔
سوشل میڈیا پر وائرل ویڈیو میں دیکھا جاسکتا ہے کہ سڑک کے کنارے ایک انسانی قد کے برابر چوہا موجود ہے۔
لیکن جب ورکرز اس کے قریب پہنچے تو انہیں معلوم ہوا کہ یہ چوہا اصلی نہیں بلکہ ایک مجسمہ ہے، تاہم سوشل میڈیا پر لوگ اس ویڈیو کو دیکھ کر خوب حیران و پریشان بھی ہو رہے ہیں اور ویڈیو پر خوب مزے مزے کے کمنٹس بھی کر رہے ہیں۔