گزشتہ سال شوبز انڈسٹری سے عارضی طور پر کنارہ کشی اختیار کرنے والے
اداکار حمزہ علی عباسی کی جانب سے باضابطہ طور پر ٹی وی اسکرین پر واپسی کا اعلان کردیا گیا ہے۔
حمزہ علی عباسی نے ایک آن لائن پروگرام میں شرکت کی جس میں انہوں نے انکشاف کیا کہ ٹی وی ناظرین کو وہ جلد پردہ اسکرین پر جلوہ گر ہوتے نظر آئیں گے۔
میزبان احمد علی بٹ کے سوال پر حمزہ عباسی نے بتایا کہ انہوں نے عارضی طور پر شوبز سے کنارہ کشی اختیار کی تھی اور اب ایک سال کے وقفے کے بعد جلد ٹی وی اسکرین پر نظر آؤں گا۔
اداکار نے یہ تو بتایا کہ وہ دو پراجیکٹس پر کام کررہے ہیں تاہم اس سے متعلق مزید تفصیلات بتانے سے گریز کیا۔
خیال رہے کہ گزشتہ برس حمزہ نے اپنے طویل ویڈیو پیغام میں کہا تھا کہ میں طویل عرصے کے لئے میڈیا کی حد تک اداکاری چھوڑ رہا ہوں کیوں کہ اداکاری میں ایسا بہت کچھ کرنا پڑتا ہے جو وہ نہیں کرنا چاہتے۔