ابھرتے ہوئے فاسٹ بولر شاہنواز دھانی کا آبائی علاقے پہنچنے پر بھرپور استقبال

روزنامہ اوصاف  |  Mar 08, 2021

کراچی(ویب ڈیسک) پی ایس ایل 6 ملتوی ہونے کے بعد ملتان سلطانز کے نوجوان فاسٹ بولر شاہنواز دھانی کے لاڑکانہ پہنچنے پر علاقہ مکین نے ان کا بھرپور استقبال کیا۔پاکستان کرکٹ بورڈ نے کورونا کے بڑھتے کیسز کی وجہ سے پاکستان سپر لیگ کا چھٹا ایڈیشن غیرمعینہ مدت کےلیے ملتوی کردیا تھا تاہم اب خبریں سامنے آرہی ہیں کہ لیگ کے بقیہ میچز مئی یا نومبر میں کروائے جانے کا امکان ہے۔دوسری جانب پی ایس ایل 6 سے اپنے ٹی ٹوئنٹی کریئر کا آغاز کرنے والے ابھرتے ہوئےفاسٹ بولر شاہنواز دھانی نے ملتان سلطانز کی نمائندگی کرتے ہوئے 4 میچوں میں 9 کھلاڑیوں کو پویلین بھیجا لیکن انہوں نے اپنے ڈیبیو میچ میں ہی پشاور زلمی کے خلاف دو اہم وکٹیں حاصل کرکے سب کی توجہ حاصل کرلی تھی۔شاہنواز دھانی نے اپنے دوسرے میچ میں لاہور قلندرز کے خلاف 2، تیسرے میچ میں کراچی کنگز کے خلاف بھی 2 اور آخری میچ میں کوئٹہ گلیڈی ایٹرز کے خلاف 3 وکٹیں حاصل کرکے خوب داد سمیٹی۔ اس کے علاوہ وہ اپنے منفرد جشن کی وجہ سے بھیسوشل میڈیا پر ٹرینڈ کرتے رہے۔قومی ٹیم کے سابق کپتان اور کوئٹہ گلیڈی ایٹرز کی قیادت کرنے والے سرفراز احمد نے سوشل میڈی پر ایک ویڈیو شیئر کی جس میں دیکھا جاسکتا ہے کہ پی ایس ایل کے ملتوی ہونے پر شاہنواز دھانی جب اپنے آبائی علاقے لاڑکانہ پہنچے تو عوام کی جانب سے جشن منایا گیا اور ان پر پھولوں کی پتیاں نچھاور کرکے بھرپور استقبال کیا۔Dhani 😍😍😍 pic.twitter.com/EP78nkLHGl

— Sarfaraz Ahmed (@SarfarazA_54) March 7, 2021
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More