بھارت میں سڑک کی تعمیر کے دوران ناقص میٹریل کے استعمال پر شہری بھڑک اٹھے، کارپیٹ جیسی سڑک کی ویڈیو سوشل میڈیا پر وائرل ہوگئی۔
بھارتی ریاست مہاراشٹر میں پردھان منتری گرام سڑک یوجنا کے تحت بنائی گئی تھی سڑک جالنا ضلع کے کرجٹ شہر سے آستے بخاری گاؤں جانے والے شہریوں کی سہولت کی تعمیر کی گئی تھی۔
مقامی لوگوں کی جانب سے ناقص تعمیر شدہ سڑک کو دکھایا جارہا ہے جو کارپیٹ کی طرح لگ رہی ہے اور گاؤں والے اسے ہاتھ سے بھی اٹھا رہے ہیں جیسے کوئی کارپیٹ ہو۔
مقامی لوگوں نے سڑک کی تعمیر میں ناقص میٹریل استعمال کرنے پر اسے ’بوگس‘ قرار دیتے ہوئے ٹھیکیدار کے خلاف کارروائی کا مطالبہ کیا ہے۔
ویڈیو میں مقامی لوگوں کو یہ کہتے سنا جاسکتا ہے کہ یہ ترقیاتی کام ایک دھوکے کے سوا کچھ نہیں ہے، سوشل میڈیا پر وائرل ویڈیو پر صارفین نے شدید ردعمل کا اظہار کیا ہے۔
یاد رہے کہ پاکستان اور بھارت کے سرکاری محکموں میں کرپشن ناسور کی طرح پھیل چکی ہے اور عوامی منصوبوں میں ناقص میٹریل کا استعمال عام سمجھا جاتا ہے تاہم اس سڑک نے کرپشن کی ایک نئی تاریخ رقم کردی ہے۔