بہت سے افراد نیم گرم پانی سے اپنے دن کا آغاز کرتے ہیں۔ اور کچھ تو نیم گرم پانی پینے کے اتنے عادی ہوجاتے ہیں کہ وہ پورا دن ہی اس کا استعمال کرتے رہتے ہیں۔
پانی سے متعلق بتایا جاتا ہے کہ یہ ہمارے جسم کو ری ہایئڈریٹ کرتا ہے۔ یہ ہماری وزن میں کمی لاتا ہے جسم سے زہریلے مادوں کا اخراج کرتا ہے۔ لیکن کیا نیم گرم پانی کے فوائد کے ساتھ کوئی نقصان بھی ہے؟ تو اس کا جواب آپ کو بتاتے ہیں۔
ماہرین کا کہنا ہے کہ پانی کو خاص مقدار میں پینا آپ کے جسم کے وزن کو کم کرتا ہے، قبض کو دور کرتا ہے اور ہاضمے کے عمل کو آسان بناتا ہے اور اسٹریس کو دور کرتا ہے۔
مگرڈاکٹر خبردار کرتے ہیں کہ بہت زیادہ نیم گرم پانی پینا ہمارے مدافعاتی نظام کومتاثر کر سکتا ہے، غذائی نالی کے ٹشوز کو تباہ کر سکتا ہے، اور زبان کے ٹیسٹ بڈز کو جلا سکتا ہے۔
اگر آپ کھانے کے درمیان نیم گرم پانی کو بہت زیادہ مقدار میں پیتے ہیں، تو یہ معدے میں تیزابیت اور ہاضمے میں بگاڑ پیدا کر سکتا ہے۔
اگر روز مرہ کی بنیاد پر نیم گرم پانی رکھنا چاہتے ہیں، تو نہار منہ ایک گلاس نیم گرم پانی میں ایک لیموں کا رس نچوڑ لیں۔
یہ مشروب ہاضمے میں بھی مدد دے گا اور آ پکو وٹامن سی کے فوائد بھی ہوں گے۔