غزہ کی صورتحال مغربی ممالک کےلیے شرم کا مقام ،اسرائیل فلسطینیوں کی نسل کشی کررہاہے ، ایران

تہران ۔28مارچ (اے پی پی):ایران کے صدر ابراہیم رئیسی نے کہا ہے کہ غزہ کی صورتحال مغربی ممالک کےلیے شرم کا مقام ،اسرائیل فلسطینیوں کی نسل کشی کررہاہے ۔

ارنا کے مطابق ابراہیم رئیسی نے ایک پریس کانفرنس میں کہا کہ مسئلہ فلسطین عالم اسلام کا مشترکہ مسئلہ ہے،غزہ کی صورتحال امریکا اور بعض مغربی ممالک کے لیےشرم کا مقام ہے ، خطے میں مسائل کی جڑ اسرائیل ہے ۔

انہوں نے کہاکہ فلسطین میں اسرائیل نسل کشی کررہا ہے جسے فوری طور پر روکنا چاہیے ۔ انہوں نےبین الااقوامی برادری پر زور دیا کہ اسرائیلی جارحیت کو ختم کرنے کے لئے ٹھوس اقدامات کرے۔