گوگل میپ کے بتائے راستے پر جا کر خاندان کے 4 لوگ دریا میں بہہ گئے۔۔ افسوس ناک واقعہ کس جگہ پیش آیا؟

ہماری ویب  |  Aug 29, 2025

بھارت کی ریاست راجستھان میں ایک افسوسناک سانحہ اس وقت پیش آیا جب گوگل میپ پر اندھا اعتماد ایک فیملی کی جان لے گیا۔ مذہبی رسومات سے واپسی پر گاڑی کا ڈرائیور راستہ ڈھونڈنے کے لیے موبائل ایپ استعمال کر رہا تھا۔ ایپ نے انہیں ’سومی اپریڈا پل‘ کی طرف موڑ دیا، جو کئی ماہ سے بند تھا اور کسی بھی ٹریفک کے لیے محفوظ نہیں تھا۔

پولیس کے مطابق گاڑی پل پر پھنسی اور اچانک دریا کے تیز بہاؤ میں بہہ گئی۔ حادثے کے نتیجے میں دو خواتین اور دو بچے جان سے ہاتھ دھو بیٹھے جبکہ ایک بچہ اب تک لاپتہ ہے۔

پانچ افراد نے غیر معمولی ہمت دکھاتے ہوئے کھڑکی توڑی، وین کی چھت پر چڑھ گئے اور موبائل کی ٹارچ کے ذریعے مدد کے سگنل دیے۔ اندھیرا ہونے کے باوجود مقامی لوگ اور پولیس فوراً پہنچے اور کشتیوں کی مدد سے پانچوں کو زندہ نکالنے میں کامیاب ہوئے۔

واقعے نے ایک بار پھر سوال کھڑا کر دیا ہے کہ ٹیکنالوجی پر اندھا اعتماد کس حد تک خطرناک ثابت ہوسکتا ہے۔ حکام نے مزید تحقیقات اور لاپتہ بچے کی تلاش کے لیے ریسکیو آپریشن جاری رکھنے کا اعلان کیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More